نعت
کُل عالَم دے اُستاد تُساں
بیدار دِلاں دی یاد تُساں
مَستُور دِلاں دا نُور تُساں
عُشاق دی آس مُراد تُساں
بے انت تُواݙی رحمت ھِے
کِیتا ھِے جہان آباد تُساں
تُساں درد خزانے عام کِیتے
ھر دل دی سُݨی فریاد تُساں
ہَتھ ٻدھ کے حرف تھئےحاضر
جَݙاں فرمایا ارشاد تُساں
راہ بُھلیاں دی اُمید تُساں
راہ لَڳیاں دے اُستاد تُساں
سبھ اپݨے آپ توں وِسریاں کُوں
کِیتا وھماں تُوں آزاد تُساں
s
s
Tags:
| < Prev | Next > |
|---|