khali aakh da surrnha

Saraiki Poetry

خالی اَکھ دا سُݨہَپ

خالی اَکھ دے سُݨہپ کوں ݙیکھ تاں سہی

خالی اَکھ دے سُݨہپ ءِچ وَسدا ہے
ہِک منظر حیرت ناکی دا
ہِک وُسعت سَت اَسماناں دی
ہِک قِصہ درد حیاتی دا

خالی اَکھ دیاں پِـپلیاں ہیٹھ اُنگدن
کِھپ لاݨے گھور سوالاں دے
کُجھ دُھوڑ شِکیـتاں شِکویاں دی
کُجھ خاکے حال بے حالاں دے

خالی اَکھ دی تَس نئیں مُک سڳدی
کہیں دجلے نال فُرات دے نال
خالی اَکھ دی بُکھ نئیں مُک سڳدی
کہیں ݙات زکواۃ خیرات دے نال

خالی اَکھ کوں کیا تشبیہہ ݙیواں
کیہڑے ݙُکھ دا دسترخوان آکھاں
ہِک وَسّوں ڄیڑھی اُڄڑ ڳئی
اینکوں روھی تھل دامان آکھاں

Tags:

Next >

We welcome any critism and negative feedback. Your Valuable feedback and suggestions Are always welcome. send your feedback now

Innerforum.com Brings for you the golden chance of establish web marketing. Advertise on innerForum.com

Home Forum Privacy Policy