"Insaan Khasaary mein hy mager wo nehi jo........ "Insaan kamzor hay aur kabi kabi preshanion se bohat ghabra jata hay. Dukh, sukh, preshani zindgi ka ik hissa hain. In se bachna shaeyd na mumkin ho mager in sey Nipatna mumkin hy. Insaan ky dil-o-damagh mein kabi kabi kuch be-chain si lehrain uthti hain to wo soch mein parr jata hy ky ye kia hay? mager ALLAH ki azeem kitaab, Qur'an, her swal ka jawab ban ker jab dil mein samaa jaati hay to ye saari be-chaini to door hoti hi hay, dil ki dunya hee badal jaati hay. Bas zerurat hay hamian Deen kay leay Tarrap aur Fiker ki Talab dikhany kee, ALLAH to haain hee Raheem aur Kareem. Ham ALLAH swt ko jitna barra manain gay, Muhammad saww sy jitnee muhabbat ho gi, ham jitny zyada Aajiz banain gay, ALLAH ki Raza per raazi rehian gay, utnee hi hamari bhalaee hay, sakoon hy, bachat hay, falah hay, kaamyaabi hay dunya o aakhirat ki behtri hi behti hay.
Youn to saara Qur'an hi hidyat hay, yehan ham surah Al-Aser ki baat kerain gay. Jis mein bataya gyaa hay kay 4 qisam kay logon ky ilawa baqi log nuqsaan mein hain.
Is surah mein ik to zamany ki qasam khaee gaee, phir lafz "Yaqenan" ist'mal hua, aur sab se barrkh ker ALLAH swt ny keha, ya'ni in baton mein kisi bi qisam ki shak (Na'uzuBILLAH) ki gunjaesh to hay he nehi. Keha ye gya hay kay Insaan Khasary mein hay, Nuqsan mein hain. 4 qisam ky log is nuqsan mein shamil nehi hian:
1. Jo Eeman laey.
2. Eeman lany kay ba'd Naik a'mal kerny waly.
3. Khud naik a'mal ker kay dusron ko Haq ki nasihat kerny waly.
4. Haq ki rah mein aany waly masae'b per Saber ki talqeen kerny waly.
Zyada ghor talab baat ye hay kay kiea ham to in Nuqsaan uthany walon mein sy nehi?
Fiker ki baat hay na??? Tou isi topic per mazeed baat kerty hain ..............
Surah Aser qi baat ko aagy barrhaty hain:
Sab sy pehly(1st) to insan qi falah key leay ALLAH ky ma'bud hony aur Muhammad saww kay Aakhiry Nabi hony per eeman laana hay aur sath hi baqi ambya per, farishton per, aasmani qitabon per aur aakhirat per. In baton qi tafseel to bohat hy, yehan ham surah Aser ky hawaly se bat kerain gay.
Dusri (2nd) baat ye kay Eemaan lany kay ba'd naik a'mal keay jaein, gunahon se ijt'naab qia jaey. Gunahon se bachny aur naik a'amal kerny aur in per sabat qadam rehny kee koshish kerty hueay ALLAH swt se madad aur himmat qi dua mangi jaey.
Teesry (3rd) bat ye kay, khud to naik amal kerny hain , sath mein dusry insano , musalmano qi isalh qi be fiker qi jaey. Dusron ko naiqi qi da'wat dena aur burai se bachny qi talqeen kerna Ambya qi sunnat hay, bohat buland kaam hay. Hazrat Muhammad saww ny sari umer yehi kaam qia, ALLAH ka pegham, Deen e Islam logon tak ponhchayaa. Yehi kaam sahaba karaam ra ny qiea, isi terha se ye silsila chalta rehay, aur ab ham hain, her musalman ky zummy ye deen ka da'wat hy, apas mein ik dusry ko nasihat hay , yaad dehani kay leay aur ghair muslims ko da'wat hay deen mein dakhil hony qi.
Chouthi baat (4th) ye kay saber qi talqeen kerty huey khud bi saber kerty rehian. In charon baton mein ik tasalsul hay, Eemaan, Niak a'amaal, Haq qi nasihat, aur saber qi talqeen. Jab ham achaee ko phelain gay, ALLAH kay deen ko aam kerain gay to non muslims qi terf sy, ya shetaan ky behkaey huey logon qi terf sy mushqilaat to aaein gi hee ky ye hamry Nabi qi sunnat bi hy, unhon ny qia qia gham baerdashat nehi keay , qitny dukh sehy, phir bi un qi zuban mubarak se dua hi nikli. Ye sab qis kay leay tha? Hamary leay.... ham ummation ky leay.... ky ham qisi terha sy dozakh sy bach ker jannat mein jany waly ban jain... apni zindgion ko ALLAH ky hukmaon per guzarny waly ban jaein. Yehan tak ky jab Ap saww is faani duny se parda kerny lagy to bi nizah qi shiddat mein bi pukaar rehy hain, Ummati... ummati... haey meri ummat... haey meri ummat. Aur mein , aap , ham sab??? Kabi pukara haaey mery Nabi ? Mery Nabi qi qurbanian? Mery Nabi qi mehnat? Mery Nabi wali deen kee da'wat? Mery Nabi qi sunnatain? Nabi ny to shafqat qi inteha ker dee..... aur mein ny kuch na kuch, koee koshish ke un qi perwi kee ? ye her banda khud se soch sakta hy.
Ye baat to theek hay jo eeman per mera wo jannat mein zerur jaey ga, laiqin hissab to ho ga, jaza saza to haiy, ye bee baat sehi hay hay Muhammad saww qi shafa'at bi hay, duian bi hain, Mager qia ham mein itni himmat hay kay ham apny pyary Nabi ka samna apny in a'mal ko lay ker kerain. Ager unhon sirf ik baat hi puch lee kay , mein jo deen , jo qitab chorr ker aaya tha, jo deen ke da'wat ka kaam chorra tha us ka qia ? Zera socheay qia jawab ho ga hamary pass? qis himmat sy samna ho ga us Nabi ka, jo sajdon, meni duaon mein , tanhaee mein , mehfil mein, khushi se bi , ro ker bi, is ummat kay leay duain qia kertay thay. ALLAH mu'af fermaey, us Nabi ka samna kesy ho ga? Wo to shafeeq Nabi hain hee, mein to sochta hon, qia mujh mein kuch heyyaa hay, kuch ghairat, kuch eeman ka jazba, ALLAH aur us kay Rasool qi Muhabbat, deen qi chahat, apni aur dusron qi fiker.... kuch hy mery paass....... afsos kuch bi to nehi, mery ander to ye duya ghusse hay, rozgaar qi fiker hay, mery ghar waly kesy palain gay, mera status kesy barrhay ga, mein dsron se aagy nikalny qi baazi kesy jeeton ga? Afsoss ky ye dunya mery dil mein ghar ker gaey............ Ankhain khol aay shaam, dil ky zang ko ALLAH ky ziker sy door ker day, tum un kamon ky peechy dorr rehy ho jin ka ALLAH ny zumma leay hay.... Rizzaq ka, Rozgaar ka, Perwirash ka..... aur tum in hi ky peechy bhaag rehy ho. Ary shaam, abi bi suder jaeo, ALLAH ky kamon mein lag jao, sab kaam ban jaein gay. Haan haan.... kero jo jee chahy kero, dunya kamao, bhago, mger us waqat jab tum ko ye yaqeen ko ky qitna arsaa is duya mein rehna hay.... Nehi? ye yaqeen nehi tum ko??? Tou phir qion ye sab laalach? Dunya ko utna kama jitna zerurat hay, Aakhirat qi fiker ker ky wo tera maqsad hay. Dunyaa guzzar , khushi se guzaar mager deen kay mutabiq. Deen-e-Islam mein , ALLAH ky hukmaon mein Nabi kya tariqon mein sakoon hi sakoon hay, Falah hi falah hy. Dunya se mana nei, ALLAH kay Nabi saww ny bi to zindgi guzaari, tijarat bi qi, shadde bi kee, logon mein bethy uthy bi, parrhaeya bi mager ALLAH qi raza ky leay aur hamain bi wohi kaam ALLAH qi raza wala , ALLAH kee terf lgon ko bulany wala kaam kerny ko dia....
Tou dosto, bas baat zera lambi ho gaee, ham bi apny kaam ko pehchanain, aur naik ban ker naiqi ke da'wat aur buraee sey bachty hueay buraee sy bachny qi talqeen kerty rehain aur ALLAH sey dua kerty rehain, ALLAH qabul fermaey, aasan banaey.
Duaon mein yaad rakheay ga. ALLAH kami kotahi mu'af fermaey. Jehan tak ye lafz ponhchain , ALLAH amal qi tafeeq dy, meri bi islah fermaey, mujy bi samjh day. Aameen ya Rabbal A'alameen.
